حياه افضل لطفلك

كل ما يهم مواضيع الشباب الخاصة بهم وبحياتهم العملية والعلمية والإجتماعية والصحية والمعنوية لنساهم جميعاً في رقي هذا العالم

المشرف: ايزيس

صورة العضو الرمزية
حفيدة الرسول
مشاركات: 6264
اشترك في: الجمعة يونيو 06, 2008 1:58 am

حياه افضل لطفلك

مشاركة بواسطة حفيدة الرسول »

السلام عليكم ورحمة الله وبركاته





"خطوات بسيطة لحياه افضل مع طفلك

الموضوع تركيزه ع معامله الاب لابنه "


مجرد نقط بسيطة جدا لتعاملك مع طفلك ....ياريت تفهمها كويس






ا
لاب ديما بيكون في نظر ابنه هو مصدر القوة والامان والشجاعه وقدوته ال ديما بيحاول يقتدي بيها ف حياته هو فارس احلام بنته ..... فلازم تخلى بالك اوى من نظرتهم ليك ...حاول تخلى بيتك يكون بيت طفل وثقة وحب واحترام لان البيت مش مجرد اسرة من كام فرد ..لا ده مجتمع وهيكون تعارف لشعوب تانية كتير فاذا كانت الام بتمثل دور مهم ..فانت بتمثل دور اكبر عشان توصل انك تكون اب مثالى...فلازم تبدا من الصفر ...مش تستنى ابنك يكبر ويبدا يتكلم وبعدين تقول انا ايه دورى نحيته دور حضرتك هيبدا من الطفل وهو جنين :-
  • المعروف خلاص ان الجنين بيتعرف ع الاصوات ال حوليه ...حاول انت تكلمه قرب من بطن مامته وكلمه كلامات فيها حب واشتياق لرؤيته بصوت حنون طبعا .
  • اقرا قران كتير وسمعه صوتك في قرايتك للقران.
  • مش تعلى صوتك ولا تنرفز مامته لان بكده هتعصبها وهو كمان هيتعصب واحتمال كبير يكون شخصية عصبية وهتكون انت السبب فيها .
لما طفلك الجميل ده بقى يخرج ع الدنيا ....مش تقول مهو اكيد مش هيفهمنى ...انت بتتعامل معاه مش عشان يفهمك وتفضل تقوله ف نصايح عشان يسمعها منك ...انت المفروض انك بتعامله باحساسك وبصوتك وبحنيتك ف وقت زى ده ...مش سالت نفسك ليه غالبا الطفل ف الاول وخصوصا لما بيكون رضيع مرتبط بمامته اكتر من باباه ....عشان حضرتك مش بتعمله أي حاجه مفيده وهو رضيع ..اتعلم بقى هتعامله ازاى :-


  • لما يشرف ابنك ع الدنيا اكيد اهتمام مامته ليك هيقل شوية مش تصغر عقلك انت بقى ..لان ف نوعيات ممكن تغير "ههههههه" ..المهم ان حياتكم هتتغير اوى اكيد ...نومك مش هيكون زى الاول ...لان ف طفل بيعيط بليل ونومه بيكون متشقلب وع راحته زى ما هو عاوز والمطلوب منكم انتوا الاتنين تقدروا ده .....لما يعيط بليل وحضرتك تكون نايم مش تصحى تزعق وتقول لمامته اطلعوا بره عااااوز انام شوية ،انا جي من الشغل مهدود..لاحظ ان مامته مش هي السبب ف انه يبكي ..مش تسمعه صوتك وانت بتزعق لانه هيربط ما بين الصوت ده والصوت ال كان كله حنيه ال كان بيسمعه وهو جنين ...فاممكن تتفضل حضرتك ولو ربع ساعه بس تقوم تشيله شوية ..مهى كمان تعبانه وواقفه بيه طول اليوم..مش الشغالة بتعتك انت وهو ...والاصح ان يكون ف اوضة للبيبي عشان المفروض كمان مامته تراعى ان الاب ده تعبان بره طول اليوم والبيت المفروض انه بيت راحه فهتكونى انتى طبعا اجمل لو طلعتى بطفلك الجميل ده بره وان باباه مش يسمع صوته اصلا عشان مش يصحى من نومه
  • وديما وهو ف مرحله دخلوه للنوم حاول ديما تسمعه صوتك واقرا القران واذكار النوم وهو بينام ..خلى طفلك يتعود ع سماع ايات ربنا ..ده بيكون ليه اثر كبير ف نفسية هدوء الطفل
  • .لازم كمان الام مش لازم يكون كل اهتمامتها بطفلها وتبعد اى مسؤلية تخصه عن باباه..ياريت تحاول هى كمان تخليه يشارك ف احتياجات الطفل ...عشان الاب كمان يحس انه معاه ديما ف كل لحظة ن عمره .
يلا الف مبروك ..ابنك كبر اهو وبقى كتله متحركة منك ماشية ع الارض ...فرحان طبعا جدا بيه :
لكن للاسف غالبا فرحتك دى مش بتكون صح لانها ببتقلب من اعمل كذا ومش تعمل كده وبس بقى ومش تطنطط ع الكنبه ..الكنبه هتبوظ ...والكورة تبدا تظهر ف البيت وتكسرلك كام فازة غالين عليك وياريت الكورة بس ..لا كمان ف اختراع اسمه قلم ..وطفلك العسول ده ما اكثر فضوله ف انه يمسك القلم ويشخبط ع الحيطان ...وانت اكيد هتزعق ..هيروح هو متعصب وهيجري ع اول ورقة تخصك ويقوم بتقطيعها تقطيع تقطيع .........عشان كل ده مش يحصل ...متقلبش انت ف دور الاب ودور المنصح لانه مش هيقبلك بالشكل ده ...مثل انت بقى دور الصديق الصدوق ..هيحبك جدااااااا وهيسمع كلامك من غير اوامر ..
  • اهتم باموره ف المدرسة ..لما يكون ف حفلة مدرسية وهو هيقوم بدور فيها ..لازم تحضر واوعى تفضل شغلك عنه .
  • لما ينجز ف الواجب ويجيب درجات حلوة اطلع بيه من المدرسة فورا لاقرب نادى كمكافاة ليه والعب معاه وانزل بعقلك لعقله وكانك واحد زيه بظبط.
  • حاول ديما تخده معاك للمسجد ف كل وقت صلاة عشان تكون بالنسباله عادة ولما هيكبر هتكون عباده لما يفهمها صح ... عوده ع حفظ القران
  • متحاولش تتضغط عليه بهواية معينه ..سيبه يتحرك ف كل الاتجاهات وبعدين شوف ميوله رايحه لفين اكتر ومن هنا لالالالالازم تشتركله ف نادى ..وتروح معاه فى اى وقت من التدريب ال يناسب وقتك معاه والاغلب هيكون الدور ده لمامته
  • اتفرج معاه ع افلام كرتون كتير ...بس حاول ديما تلفت انتباهه لكل حدث بيحصل ..ناقشه هو ليه عمل كده ،طيب انت تفتكر ايه نهاية الفيلم ؟ هي ايه الحاجه ال مسكها ف ايده دي ؟ وهكذا مش مجرد وقت فراغ بيتقضى
  • ولما حضرتك تتفرج ع الاخبار وهو بيلعب قدامك مش تزعقله ..هاته جنبك وفهمه براحه ايه ال بيحصل حوليه ف الدنيا ..عشان هو كمان لما يسمع الاخبار هيتعلم لباقة الحديث ومش هيكون طفل غبي ممكن يندرج لاى فيلم تافه او اغنية ملهاش قيمة ..يعرف ان ف حاجات اهم من كده .
  • لما تكون ف قعده مع اصحابك وهو دخل عليكم ...مش تقوله اطلع بره ..ده كلام كبار ...لا خليه يسمع انتوا بتتكلموا ف ايه ولو قال راي حسسه انه قال حاجه مش كان في حد منكم واخد باله منها...ارفع من معنوياته هتكسبه .
  • لو ف موضوع مناقشة بينكم لازم تكون وجها لوجه ...كان يقال عن النبي "عليه الصلاة والسلام" انه كان يلصق ركبته بركبه محدثه وكان يضع يديه ع فخذى محدثه ويقبل عليه كله ..وده طبعا بياكد اهمية لمستك لطفلك .
  • لازم حضرتك تخصص يوم العطله يكون يوم للاسره بحيث انكم تخرجوا معاه ..والافضل انكم تخرجوا ف مكان مفتوح ..لان ده هيساعد الطفل ع قدرته ف التامل لكون الله وعوده ان اى منظر يعجبه يقول سبحان الله ..عشان يعرف ان ربنا مش بيخلق أي حاجه كده من فراغ وعرفه اهمية الحاجه دى .
حبك له من خلال معاملتك مع مامته:-
  • في عيد الام بقى ..ممكن تشاركه ف انكم تجمعوا مع بعض فلوس تكونوا حوشتوها من قبل كده ..وتنزلوا تجيبوا هدية رمزية لمامته ..هيحس منك هنا بلمسة حب .
  • اهتم اوى بانك تظهر حبك لمامته ..عشان هو كمان يعرف يعني ايه حب ولما هيكبر اكيد هيفتكر علاقتكم ببعض وهو هيحاول ينفذها في بيته ان شاء الله .
  • ولو في أي مناقشة ما بينك وما بين زوجتك بلاش تكون قدام الطفل..لان الطفل ذاكرته قوية جدا ولو حضرتك زعقت لمامته هيعتبرك شخصية قهرية وشريرة ومش هيتقبلك..حتى لو كنت انت معاه حنون جدا ..مادام شافك ف لحظة زى دى هيعتقد انك ممكن تقلب معاه دور الشر في أي لحظة .
  • لو الام الجميلة ال في البيت دي تعبت ف يوم...قوم شد حيلك كده والبس مريلة المطبخ ولو ف مريلة صغيره ع قده هاتهاله ...كنوع من المشاركة ف اعمال المنزل .. هيعرف ان اى حاجه بتععمل ف البيت هو ممكن يعملها لو الفرد المعتاد مش قدر عليها ف يوم ..وهنا هيتعلم روح المشاركة ...والله هيكون سعيد جدااااا بال هيحصل ده ..
  • بالنسبة لموضوع الاكل ...لازم تكون الاسرة مجتمعه مع بعض ديما ف كل اوقات الاكل فطار .غدا .عشا ...... من هنا هيقدر قمية الاسرة وانها جزء لا يتجزا وقد ايه في ترابط ما بينكم ...لازم كمان وقت الاكل التلفزيون مش يكون شغال ...الافضل ان يكون ف حوار يدور ما بين الكل ..
  • شوف بقى انت هتحب مامته قد ايه وهتظهر قد ايه من حب ليها وهيظهر ده قدامه ..ثق انه هيطلع يفهم يعني ايه حب بجد ..وان الحب مش مرتبط بفترة معينه وبتموت ..زى ما ف اغلبنا بيعتقد ان الحب ما بين الزوج والزوجة بيفضل لفترة معينه وبعد كده بيكملوا حياتهم عشان خاطر ان ف اطفال يربطوهم ببعض وبعد كده تستمر حياتهم بشكل روتيني ..ع قد ما هيكون ف حب ع قد ما هيفهم ان الحب هو السبب الاساسي ف استمرار حياة كامله مش الاطفال هما السبب فيها ما بين اى اب وام ....
طولت عليكم اكيييييييييييييد ..الموضوع كان ممكن يكون اكبر من كده .بس انا عن نفسي بمل لما بقرا حاجه طويلة ..بس مش عرفت اختصر بجد .بس ياريت الموضوع يعجبكم ...واسفة لو فى اى غلط ف كلامى
اللهم ارزقنى حياء السيدة مريم واخلاق السيدة فاطمة واجعلنى زوجة كزوجة حبيبك محمد عليه افضل الصلاة والسلام السيدة خديجة

قمة العظمة ان تبتسم وفي عنيك الف دمعة ..وقمة الصبر ان تسكت وفي قلبك جرح يتكلم..وقمة الالم ان يجرحك من تحب..وقمة الوفاء ان تنسى جرح من تحب ..وقمة القمم ان تترك شيئا لله فيعوضك الله خيرا منه
صورة العضو الرمزية
قلب
أثرى جديد
مشاركات: 4097
اشترك في: الجمعة يونيو 20, 2008 1:09 am
اتصال:

مشاركة بواسطة قلب »

الله الله الله

ايه الجماال ده يا حفيدة

بجد حاجة روعة اوي

وكنت عارف انك قدها وكنت عارف ان انت اللي هتكتبيه

بجد برافووووو عليكي

جزاك الله كل خير يارب

واكرمك بالفردوس الاعلى على الموضوع الجميل اوي ده


وكان الموضوع هيبقى اجمل واحلى
لو كنت كملتيه بكل المراحل العمرية المختلفة
مراهقة وشباب ونضج


بس كده بردو جميل
جزاك الله كل خير مرة تانية
أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ
صورة
حتى تكون لك خديجة كن لها محمداً

يؤكد العلماء على أنه ليس حسن الخلق مع الزوجة كف الأذى عنها فقط ، بل احتمال الأذى منها، والحلم عند طيشها وغضبها إقتداء برسول الله صلى الله عليه وسلم
صورة العضو الرمزية
Moka
أثرى جديد
مشاركات: 5239
اشترك في: الأربعاء أغسطس 20, 2008 12:40 am

مشاركة بواسطة Moka »

ايه الكلام الجميل دا ياحفيدة بجد طلعتي أدها وأدود زي ما توقعت منك بالظبط
صورة
ربما تجمعنا أقدارنا ذات يوم
ღ♥ღღ♥ღ
بعدما عز اللقاء
ღ♥ღ
فإذا التقينا لقاء الغرباء
ღ♥ღღ♥ღ
ومضي كل إلي غايته
ღ♥ღ
لاتقل شيئاً
ღ♥ღ
فإن الله شاء
ღ♥ღ
صورة العضو الرمزية
baby joy
مشاركات: 772
اشترك في: الاثنين يوليو 13, 2009 9:53 pm

مشاركة بواسطة baby joy »

موضوع ممتاااااااااااااااز بجد يا حفيدة


ماشاء الله بجد جااااااااااامد


تسلم ايديكي يا قمراية


وبجد نصايح حلوة

بالتوفيق

بيبي
Mr.PHP
مشاركات: 4049
اشترك في: الثلاثاء مايو 01, 2007 4:27 pm
مكان: Amman - Cairo
اتصال:

مشاركة بواسطة Mr.PHP »

جزاكي الله خير يا حفيده على طرجك الطيب موضوع مفيد وفي أفكار راقيه
حياتنا لوحة فنية ..
ألونها القول وأشكالها العمل ..
وإطارها العمر..
ورسامها نحن..
فإذا انقضت حياتنا اكتملت اللوحة ..
وعلى قدر روعتها تكون قيمتها ..
فإما أن تكون جميله ..فتستوقف المارين
أو رديئة ترمى بين أكوام المهملات...
حتى إذا قامت القيامة ..
عرض كل إنسان لوحته وانتظر عاقبته..
فأبدع في لوحتك .. فما زالت الفرشاة بيدك
:)
----------------------------------
Contact us
webmaster@aregy.com
support@aregy.com

صورة العضو الرمزية
ايزيس
مشاركات: 3372
اشترك في: الأحد مارس 02, 2008 10:30 pm

مشاركة بواسطة ايزيس »

جميل جدا يا حفيدة
جزاكي الله خيرا
صورة
كن بلسما ان صار دهرك ارقما صورة وحلاوة ان صار غيرك علقما
ان مرت الأيام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاءفادعولي

صورة العضو الرمزية
حفيدة الرسول
مشاركات: 6264
اشترك في: الجمعة يونيو 06, 2008 1:58 am

رد: حياه افضل لطفلك

مشاركة بواسطة حفيدة الرسول »

اي خدمة يا شباب
الف شكر ع رفع المعنويات
اللهم ارزقنى حياء السيدة مريم واخلاق السيدة فاطمة واجعلنى زوجة كزوجة حبيبك محمد عليه افضل الصلاة والسلام السيدة خديجة

قمة العظمة ان تبتسم وفي عنيك الف دمعة ..وقمة الصبر ان تسكت وفي قلبك جرح يتكلم..وقمة الالم ان يجرحك من تحب..وقمة الوفاء ان تنسى جرح من تحب ..وقمة القمم ان تترك شيئا لله فيعوضك الله خيرا منه
أضف رد جديد

العودة إلى ”عالـــــم آدم“