مشكله وانتهت

اعلانات المنتدى و القوانين ، والإرشـادات والتعليمــات التي يـراها المشرفين مهمـة للإعضـاء ليتم الإطلاع عليها وتنفيذهـا لضمـان استخدام المنتديات على أفضل وجه وبكل إحترافية.(من المهم جدا على جيمع الأعضاء تصفح مواضيع هذا القسم بكل عنايه)
Mr.PHP
مشاركات: 4049
اشترك في: الثلاثاء مايو 01, 2007 4:27 pm
مكان: Amman - Cairo
اتصال:

مشكله وانتهت

مشاركة بواسطة Mr.PHP »

السلام عليكم

مبارح دخلت المنتدى لقيت العنوان ده ((تنازلى عن رتبه المشرف العام .. بريف هارت))

المهم ولا كأني سمعت حاجه وللأسف برضو كان في ردود كتير على الموضوع وصلنا للصفحه الثالثه !!! كنت اتمنى اشوفو قبل ما يترد عليه بس ملحقتس

دخلت الموضوع ولفيت المشكله وحلولها قلت اقص الحلول وحطها هنا وكل كلمه حلوا ارميها في الموضوع ده وكدا المشكله انتهت

دي الافتتاحيه :020:
brave heart كتب:
السلام عليكم ورحمه الله وبركاته

معلش يا مستر ابراهيم انا متنازل عن رتبه الاشراف العام لأى حد وياريت ارجع عضو عادى زى بقيه الاعضاء وما يكنش ليا اى صلاحيات فى المنتدى غير انى ادخل بحسابى واضيف موضوع او رد فقط ....
ولا كإني سمعت حاجه يا بريف
brave heart كتب: والسبب ,, لان كل ما احذف او اعدل رد او موضوع بتنزل عليا اتهامات وطريقه مش كويسه فى الكلام وبصراحه انتى عارفنى وعارف شخصيتى انا ما اتحملش اى طريقه مش كويسه فى الكلام
عشان أنا عارفك كويس .......... برضو ولا كإني سمعت حاجه
selsabeel كتب:
ومع احترامى للجميع
الكل مش كان متعود على وجود مشرف يراقب
ويشوف شغله فى المنتدى من نقل او حذف
فعشان كده بس الاختلاف يا بريف
لكن الكل هيتعود
وكلمة لكل الاعضاء وانا منهم
القوانين تطبق على الكل حتى على المدير ( اسفة لمستر ابراهيم )
فالقانون قانون واتمنى محدش يزعل من قوانين المنتدى التى لما اشتركنا
جميعا هنا فى اثارنا وافقنا على قوانينها
يالضبط كلام منطقي ودا الي كنت هقولو فعلا.... وسلسبيل قالت كدا لأنها مطحونه في الاشراف من سنين في منتديات كتير دا غير منتداها .
قلب كتب:

وانت يا مستر ما تسمعش كلامه هوه بس تلاقيه متضايق شوية دلوقتى


وبعدين هيروق



فكر كويس يا بريف وبلاش تسرع



وربنا يوفقك دائما يا رب
أمين يارب

وأكيد طبعا مش هسمع كلاموو

ظل المحارب كتب:ممكن تهدوا كلكم بقى وتصلوا على النبي , وممكن تحذفوا الموضوع ده بتاع المشرف العام هههههههههه اصل مش كويس لو ضيف دخل وقرا الكلام ده , وشيلوا اللي على صندوق المحادثات كمان .
الله ينور عليك يا ظل والموضوع اتحذف فعلا وراح سلة المهملات وبريف هارت اللي رماها هناك مش انا



نيحي بئا للكلام اللي قالتو اختنا العزيزه نايت
nightmare كتب:السلام عليكم ورحمة الله وبركاته

أنا باعتذر مرة كمان ليك يابريف

رغم اعتذاراتي المتكررة ليك قبل كدا

ياجماعة والله الموضوع كله سوء تفاهم

في البداية أنا نزلت موضوع والنت فصل من عندي

وساعتها كان الموضوع نزل

بس أنا مكنتش أعرف

فلما النت جه نزلت الموضوع تاني
بشكرك على سعة صدرك واعتذارك يا نايت جزاك يالله خيراً
nightmare كتب: وشوية ولقيت رسالة خاصة من المشرف بريف

بتقولي الرسالة إن الموضوع اتحذف
دي رساله الكترونيه بتتبعت لوحدها بتحمل اسم المشرف اللي قام بالتعديل ومن قوانين المنتدي انو لازم العضو يعرف انو موضوعو اتحذف .. بقول كدا للعلم بالشيء فقط لا أكثر
يحق للعضو معرفه اسباب حذف او اغلاق مواضيعه او ايقاف عضويته لا سمح الله وذلك عن طريق مراسلة الإدراه بريديا دون إثارة أي شكوى تذكر في المنتديات .
الكلام ده وجود هنـــــا
nightmare كتب: وطبعاً حسيت بالإحراج أحسن الموضوع يكون فيه حاجة مش كويسة

وبعت رسالة خاصة لبريف هارت عشان أفهم منه ليه سبب حذف الموضوع

لأني طبعاً مش حابة إن الموضوع يكون علني في صندوق المحدثات

والرسالة مانفعتش تتبعت
طبعا يا نايت كلنا عارفين ان الرسايل الخاصه بتعرض علينا وبشوفها قبل ما توصل لأي عضو عشان كدا ممكن عضو يبعت رساله ومتوصلهوش الا بعد ما اشوف طابور الرسايل اللي في انتظار الموافقه .

وصدقني انا لقيت رساله من بريف هارت لنايت مير في انتظار الموافقه يعني هوا كمان بدأ بالموضوع في رساله خاصه ولكن تأخر استقبالها لاني مكنتش في المنتدى .
nightmare كتب: ودخلت علي صندوق المحدثات

ولقيت بريف هارت كاتب

((معلش يا جماعه ياريت الاعضاء يختاروا المواضيع اللى بيرفعوها على المنتدى علشان ما نجيش فى الاداره نحذف والناس تزعل ونعمل هوجه على الفاضى .. وياريت كمان الناس تراجع المواضيع بتاعتها خاصه المنقوله تفاديا لأى لفظ خادش للحياء او منافى لتعاليم الدينى الاسلامى ... وشكرا على تعاونكم ))


وافتكرت إن الكلام متوجهلي أنا

وعلي هذا الأساس رديت عليه

وأكيد كل الأعضاء قروا الكلام اللي أنا كتبته في صندوق المحدثات

فياريت حد لو شايف إني اتكلمت بطريقة مش محترمة أو فيها قلة ذوق

يقولي عشان أعرف بعد كدا أعامل الأعضاء بطريقة كويسة

لأني فعلاً أنا مش شايفة إني غلطت في حق بريف عشان يقول العضو المحترمة

والكلام اللي قالوا كله

وعموماً أنا عذراك لما بتقول إنك كمشرف كل ما تحذف حاجة لعضو

يزعل ويعمل هوجة ويوجهلك اتهام

بس أنا بقي إيه الإتهام اللي أنا وجهتهولك

الموضوع كله كان ممكن يخلص في كلمتين تقولي الموضوع متكرر مرتين

وأنا حذفت واحد منهم

وبعدين أنا لسة جديدة ع المنتدي

وأنا لسة باتعلم وباجرب في حكاية تنزيل المواضيع وتعديلها أو حذفها
انتي مش غلطانه يا نايت ومحدش قال انك غلطانه وانتي قلتيها ان في أول كلامك انو سوء تفاهم ودا بالضبط اللي حصل
nightmare كتب: وعموماً أنا باعتذرلك للمرة المليون اهو

وأرجو ماتكونش أخدت عني فكرة مش كويسة


وأنا مش معاك في حكاية إنك تسيب الأشراف دي

أمال مين اللي هايحذف موضوعاتي

( باهزر طبعاً )

وبكرر أسفي

وياريت الموضوع يخلص علي كدا بقي

وكل سنة وأنتو طيبين جميعا
بحييكي مره تانيه على سعة صدرك وروحك الطبيه وأكيد مفيش اي افكار مش كويسه عن نايت لاننا عارفينها من مواضيعها ورودها في المنتدي وواخدين انطباع مشرف عنها .
وكل سنه وانتي طيبه
Moka كتب: وبجد ياريت الموضوع ده كله يتحذف أو يتنقل للشكاوي والمقترحات

عشان واجهة المنتدي

لأن قسم ساعة صفا الكل بيدخل عليه

وعيب قوي ضيوفنا يقروا الكلام ده
كلام جميل جداً ودا اللي هيتم فعلا .

دي خلاصه الموضوع اللي طلعت بيها وأنا بقراء سريعا

وفي تعليق برضو خليني أدخلو في الموضوع ده بالنسبه لموضوع أخونا محمود سعد انا للأسف مشفتش الموضوع عشان أحكم عليه لأنو اتحذف حذف جذري وماراحش حتي على سلة المهملات....... وعشان ارجعو هحتاج وقت وعلى كل انا شايف ان اجماع اكس مان وبريف هارت وظل المحارب مبرر منطقي لحذف الموضوع وانا على ثقه ان أخونا محمود هيتقل الأمر بصدر رحب .


في الأخر خالص في كلمتين عايز أقولهم كرد اعتبار لكل مشرف حس انو اتهان ....
فلذلك ليعلم كل المشرفين أني لن أسمح لأي عضو أن يهين أيا كان من المشرفين أو مراقبي الأقسام بسبب أي سلوك يقومون به فلديهم كل الصلاحيات الخاصه بهم ولهم كامل الحريه بحذف وإلغاء وتعديل أي مشاركه أو موضوع دون أن يتم نقاشهم فيها
وكما قلت للعضو الحق في معرفة السبب وسيتم إخباره بذلك ويمكنه بعد ذلك استخدام وسائل الإتصال المخفيه عن العرض الخارجي للمنتدى لمعرفة سبب الحذف
وملاحظه مهمه : أنا مش بوجه الكلام لعضو معين ..أبداً والله عشان محدش يفهمني غلط[/font][/b]
وعايز أقولكم ان المشرفين اللي هنا في المنتدى كان كلهم أعضاء ومبقوش مشرفين عشان هما صحابي لا والله كتير من صحابي موجودين معانا ومش مشرفين فمش شرط .

وفي منتديات تانيه بعين فيها مشرفين ووالله معرفهم غير من المنتدي فقط وممكن يكونو في دوله تانيه كمان .

وهنا في المنتدى مثلا الاستاذ محمد أفندي اللي اتمني يرجع المنتدى تاني وهوا مشرف في المنتدي ولو شفتوا في الشارع ماشي معرفوش وبرضو اختنا سلسبيل كذلك .

اللي عايزاقولو يا جماعه الناس دول مبقوش مشرفين إلا لأني فعلا حسيت انهم يستاهلوا الموضوع ده وكانوا متميزين جدا وفي منهم ناس المفروض لون عضويتهم أحمر مش أخضر وانا اديتهم ثقتي في المنتدى واتوقع اني اخترت كويس جدا وهما يستاهلوا انهم يكون مشرفين


وفي النهايه

كلنا خوات يا جماعه ونايت هيا اخت بريف هارت ومفيش أي حساسيات فيما بينا ولو انتي جديده يا نايت في المنتديات أكيد المشرفين هيساعدوكي وهيكونو عون ليكي باذن الله في اي حاجه هتحتاجيها بخصوص التعامل مع المنتديات وأولهم بريف هارت أو سلسبيل أو اكس مان ومش هيتأخروا عنك في أي حاجه .

في الأخر بشكرك يا بريف على تفهمك وتجاوبك وفعلا كان سوء تفاهم مش أكتر ...... وللمره التانيه بشكرك يا نايت على سعة صدرك
حياتنا لوحة فنية ..
ألونها القول وأشكالها العمل ..
وإطارها العمر..
ورسامها نحن..
فإذا انقضت حياتنا اكتملت اللوحة ..
وعلى قدر روعتها تكون قيمتها ..
فإما أن تكون جميله ..فتستوقف المارين
أو رديئة ترمى بين أكوام المهملات...
حتى إذا قامت القيامة ..
عرض كل إنسان لوحته وانتظر عاقبته..
فأبدع في لوحتك .. فما زالت الفرشاة بيدك
:)
----------------------------------
Contact us
webmaster@aregy.com
support@aregy.com

صورة العضو الرمزية
محمود سعد
أثرى جديد
مشاركات: 2712
اشترك في: السبت مارس 22, 2008 9:41 pm
مكان: منفى بالأقصر ومش بشوف اهلى فى المحله غير كل شهرين مره

مشاركة بواسطة محمود سعد »

شوف يامستر ابراهيم انا اول واحد هيرد على الموضوع وفعلا دى مشكله وانتهت ومفيش قصد ان العمليه تتضخم بس الظروف جات كده وكل واحد عارفه حقوقه وواجباته ومش محتاج حد يفكره بيها عشان الناس اللى موجوده فى المنتدى كلها ناس مستواها التعليمى عالى ويتفهم الأمور دى وبتتقبلها بصدر رحب بس اقتراحك ان عند الحذف يعلم العضو سبب حذف موضوعه ده شىء جيد جدا ويحقق الشفافيه فى المنتدى ونحن نكن كل الأحترام لكل المشرفين وتعرفوا الغلط اللى حصل فى المشكله دى بسسبى انا عشان كتبت لأيمن فى صندوق المحادثات عن سبب حذف الموضوع لأنه أول موضوع يتحذف ليه وكانت صعبه عليه شويه عشان الموضوع مفيهوش سبب انه يتحذف ممكن يتنقل لقسم تانى بس حذفه صدقونى والله مفيهوش اى ضرر او أساءه لأى حد عشان هوه بيتناول واقع مؤلم احنا بنتغاضى عنه وبنتجاهله بس الموضوع بيستفحل وبينال من كل أطياف المجتمع بس وانا لو خايف على سمعتى انها هتتأثر بالموضوع ده مكنتش من الأساس كتبته بس انا بحب أعيش واقعى مش أكتر وياجماعه حاكى الكفر ليس بكافر وشكرا
لا للفتنه وكلنا مصريين
محـمـود سـعـد
صورة العضو الرمزية
ظل المحارب
أثرى جديد
مشاركات: 830
اشترك في: الاثنين أكتوبر 13, 2008 7:57 pm
مكان: شبرا

مشاركة بواسطة ظل المحارب »

جزاك الله خيراً يامستر ابراهيم فعلاً المشكلة انتهت والمنتدى منتدانا كلنا مشرفين واعضاء بيجمعنا الاحترام سواء في الموضوعات او في الردود .
صورة العضو الرمزية
Brave Heart
مشاركات: 4416
اشترك في: الأربعاء مايو 23, 2007 12:43 pm
مكان: الجنه ان شاء الله
اتصال:

مشاركة بواسطة Brave Heart »

اولا: بشكرك يا مستر على اهتمامك بموضوعى خاصا وموضع المشرفين عاما

ثانيا : انا بتأسف لأى حد سواء كانت نايت مير او محمود سعد او اى عضو على سوء التفاهم اللى حصل وان شاء الله مش هتحصل حاجه بعد كده
وياريت ننسى اللى فات ونهتم بأننا نوصل منتدى اثارنا الى مكانه مرموقه بين المنتديات

وانا عن نفسى يا جماعه فى وسيله اتصال بيا فى ادنى توقيعى لأى عضو محتاج مساعده فى موضوع او شكوى من عضو او مشرف او اقتراح ومش هتأخر عليكم ان شاء الله

وخلاص صااااااااافى يا لبن يا جماعه؟؟؟ ولا ايه؟؟؟


اللهم الحمد لك كما ينبغى لجلال وجهك وعظيم سلطانك

.........
....................
...........................
بحبك يا مصر[/font][/size]

...........................
....................
.........
صورة
انا بكره إسرائيل

للأتصال بنا
صورة العضو الرمزية
محمود سعد
أثرى جديد
مشاركات: 2712
اشترك في: السبت مارس 22, 2008 9:41 pm
مكان: منفى بالأقصر ومش بشوف اهلى فى المحله غير كل شهرين مره

مشاركة بواسطة محمود سعد »

صافى يالبن والمسامح كريم وانا بتأسف لو كنت زعلت حد منى وخصوصا بريف هارت وايمن والمشكله كلها انا السبب فيها
لا للفتنه وكلنا مصريين
محـمـود سـعـد
صورة العضو الرمزية
manoor
مشاركات: 1561
اشترك في: الجمعة نوفمبر 09, 2007 5:51 pm
مكان: tanta

مشاركة بواسطة manoor »

اه طبعا يابريف صافى يالبن
احنا هنا كلنا اخوات ومستحيل حد فينا يزعل من التانى
ومحصلش حاجه لكل دا حصل خير
واحنا طبعا منقدرش نستنغنى عنك يابريف فى المنتدى
اللهم لك الحمد كما ينبغى
لجلال وجهك وعظيم سلطانك
الحمدلله رب العالمين
صورة العضو الرمزية
Brave Heart
مشاركات: 4416
اشترك في: الأربعاء مايو 23, 2007 12:43 pm
مكان: الجنه ان شاء الله
اتصال:

مشاركة بواسطة Brave Heart »

مفيش حاجه يا محمود كلنا اخوات وانت لا السبب ولا حاجه
اللهم الحمد لك كما ينبغى لجلال وجهك وعظيم سلطانك

.........
....................
...........................
بحبك يا مصر[/font][/size]

...........................
....................
.........
صورة
انا بكره إسرائيل

للأتصال بنا
أضف رد جديد

العودة إلى ”إعـــلانـــات و إرشادات إداريــة“