يوم في حياة عضو

إضافة رد

الرمز الأمني
اكتب الرمز كما تراه في الصورة تمامًا
ابتسامات
:d_big_smile: :d6: :d5: :d4: :d3: :d2: :d1: :30: :29: :27: :25: :d8: :d9: :a_smile_green: :redface: :frown: :d16: :d15: :d14: :d13: :d12: :d11: :d10: :24: :23: :22: :11: :10: :2: :17: :confused: :D :mad: ;) :12: :13: :21: :20: :19: :18: :) :16: :15: :14: :p :rolleyes: :cool: :eek:
عرض كل الابتسامات

BBCode متاح
[img] متاح
[flash] غير متاح
[url] متاح
الابتسامات متاحة

مراجعة الموضوع
   

عرض موسع مراجعة الموضوع: يوم في حياة عضو

رد: يوم في حياة عضو

بواسطة حفيدة الرسول » الخميس مايو 03, 2012 2:06 am

معلش يا رورو عشان زعقلك كده
انا مش كنت اعرف انتى عارفة لو عرفت انه عمل كده معاك ..انتى عارفة...مكنتش عملت اى حاجه ههههه


وهى دى يا جماعة صديقتى الصدوقة
مش ليا حق بقى اكون فخورة بيها


رد: يوم في حياة عضو

بواسطة الصديقة » الخميس مايو 03, 2012 12:43 am

اخخخ دايما بتاخديني ع فجئة كده يا حفيدتي ... بصراحة اليوم اللي هحكيه ده هو مش مفرح اوي لكن هو علمني اني مش اخد كل حاجة ع أعصابي ومش تكون دمعتي قريبة اوي كده لان دي صفة غبية اوي فيا ان دمعتي قريبة اوي واي حاجة تحصل سواء ليا اوي لاي حد قريب مني ببكي ع طول ، وكمان علمني ازاي احرف اتكلم مع الناس وادافع عن نفسي حتى لو انا غلطانه مش اسكت واعدي الموضوع وخلاص بس طبعا الجدل باحترام .. المهم اليوم ده من سنتين كده كنت ف رابعة كلية وبنقدم فيها مشروع التخرج اللي بنتقيم عليه آخر السنة .. المهم صحيت ف اليوم زي اي يوم طبيعي واحنا طلبة ف الكلية بنصحى بدري طبعا بس رغما عننا علشان ف اليوم ده عندني محاضرة بدري الساعة 8 ولكن ف اليوم ده بالذات كنت مبسوطة جدا اني اخترت انا وزميلتي المشتركة معايا ف المشروع اللي هنبدا فيه وكان بيتكلم عن العنف ضد الرجال والزوجات اللي بتقتل ازواجها والكلام ده كله ، وكان مكان المدين بتاع البحث ف سجن دمو بمحافظة الفيوم ، ولازم نطلع اوراق من وزارة الخارجية واجراءات روتيينة وادراية انتو عارفينها طبعا علشان نقدر ندخل السجن بشكل قانوني ، بس قبل من قدم طلب لرئيسة القسم بتاعنا قولنا الاول نسال المشرف علينا ف مشروع التخرج ايه الاجراءات اللي ناخدها علشان مش ينفع نعمل حاجة الا بعد موافقته ، وبالفعل روحنا وسالناه نعمل ايه قال تقدموا طلب لرئيسة القسم مقدم منها لعميد الكلية ورئيس الجامعة ان ف مشروع تخرج عن كذا ومحتاجين موافقة منكم ع دخول الطلبة للمكان علشان هيتم فيه اجراء الميدان بتاع البحث تمام كده تمااام ..

وفعلاااا ، عملنا زي مقال لينا الشمرف وروحنا قدمنا طلب لرئيسة القسم ووافقت وقال سيبو الطلب عندي ف المكتب لغاية مرفعه لعميد الكلية وهخلصلكم الموافقة واستنينا وكونا فرحانين جدا وقولنا تاني يوم هنفرح المشرف بتاعنا ان رئيسة القسم وافقت وان شاء الله هنبدا ف البحث زي م احنا عايزين ... كل ده طبيييعي جدااااا ومفيش اي حاجة حصلت لغية دلوقتي اماال ايه اللي جد وشقلب كيان اليوم التاني .... تعالو وشفو بقى الدكتور المشرف علينا عمل فينا ايه تاني يوم !!!!!!

تاني يوم بقى كنت صاحية مبسوطة جداااا اني هنعمل مشروع مش اتعمل قبل كده ف الفيوم وان الخطوات اتاخدت بسرعة وربنا يسرلنا الامور .. اليوم ده كان الساعة 8 الصبح علينا محاضرة للمشرف بتاعنا ع المشروع وكونا قاعدين ف سلام ومبسوطين وليقنا الدكتور دخل ومكششر جدااااا ومش عاوز يرد ع حد المهم قعد ع المكتب واول محط شنطته نده علينا فيييين رحاااب وسمر سمر دي زميلتي اللي كانت مشتركة معاينا ف المشروع للاسف بقى ان سمر مش جات المحاضرة وكنت موجوده لوحدي سعتها وعينكم متشوف الا نور هههههه ...

وراح بقى قالي ايه يا بهوات اللي انتوا عملتوه ده هو ايه انا مليش كلمة عليكم مليش راي تاخدو بيه طبعا انا مستغربة من كلامه جدااااا لان اول مرة يتكلم معانا بالشكل ده وراح بقى كمل كلامه . هو انتو متعرفوش اصول الاستئذان انتو بتاخدو برايكو وتشموا ع هواكو وملكمش دعوة مين اللي مشرف عليكو وراح بقى موجه الكلام عليا انت فعلا اثبتي انك باحثة فاشلة انت مش هتنفعو في اي بحث بعد كده وابقوا وروني اذا نجحتو بعد كده انتو باحثين فشلة ومتعرفش يعني ايه اخلاقيات الباحث الاجتماعي الصح وانتو وانتو وانتو .....

طبعااا انا اول مرة ف حياتي يتكلم معايا بالشكل ده الحمد لله وبفضل ربنا يشكر فيا وف شغلي اللي بقدمه لكن اول مرة اتعرض لموقف زي ده طبعا الدكتور كان متعصب جدااااا وكان جمواه كلام ليا ولزميلتي بس طبعا هيا غابت فانا اخدت وش المدفع ... طبعا هتقولولي رد فعلك كان ايييييه هقولكم مكنش فيه رد فعل كنت متسمرة ف مكاااني وممعرفتش انطق بحرف واااحد نهاائي هو بصراحة مدنيش فرصة اصلا اتكلم وادافع حتى عن نفسي برغم ان قولتله احنا اخدنا راي حضرتك وهو تغاضي ومردش مش عارفه بقى هو كان جاله زهايمرولا بينكر ولا ايه الله اعلم ..

المهم اني رد فعلي اني ضاعت مني المحاضرة لاني فقدت تركيزي بعدها ومكنتش شايفه قدامي طول الساعتين وكانت حاة واحده بس اللي ف وداني بتتكرر هيا الكلام اللي قاله عليا .. وبعد مخلصت المحاضرة والله العظيم لقيت كل البنات حواليا واللي تقولي احنا عارفينك وسيبك من الكلام اللي اتقال ومش تزعلي نفسك المهم اني مش ركزت معاهم بعد كده لميت حجاتي وخرجت من غير متكلم ولا كلمة مع اي حد وممفيش غير دموع نازلة وبس لدرجة اني روحت البيت ومحرفش لغاية النهراده انا روحت لوحدي سعتها ازاي وانا ف الحالة دي ... سبحان اللي خالاني عديت الشارع والعربيات من غير مكون مركزة ..

وبعدها كل البنات بدات تتصل ع الموبايل ويدورو عليا ومش لقيني ف الكلية نهائي وطبعا الموبايل كان صامت من ساعة المحاضرو وانا اصلا نسيت افتحه وطبعا كلهم قلقو عليا وسمر زملتي وصلت بالسلامة الحمد لله لقت الدني مقلوبة وراحت تدور عليا وترن ع الموبايل ولا انا هنا طبعا اني ف حالة انهيار تام هههههه ، وراحت بقى للدكتور ده قالتله ف ايه يا دكتور انا سمعت حصل كذا وكذا وكذا قالها انت تسكتو خالص انت خلتيني غلط ف رحاب وانا اصلا جاي وانا عايز ابهدلك انت انا عارف انك انت السبب ف انكم اخدتو قرار زي طلب الموافقة ده من غير م ترجعولي وهيا انسانة نشيطة ومتحمسة مش زيك متهورة وكلام بقى من ده ...

المهم قالها انت السبب دلوقتي ف اني زعلتها والمفروض اني كنت جاي هزعلك انتي . وبعدين انا جيت ع المحاضرة التانية وهوه بردو اللي ان علينا وساعتها المفروض ان كل واحد بيقوم يشرح جزء من اللي حضره انا وكنت المفروض اقوم انا طبعا حضرت المحاضرة عادي بس مش نطقت باي كلمة ولما جه الدور عليا وقالي يلا يا رحاب قومي قلتله لا مش هقوم ومش هقول حاجة كانت اول مرة اقول لحد من الدكاترة / كلمة لا دي او حتى ارفض طلب طلبوه مني " بس ساعتها فعلا مكنتش قادرة اتكلم كلمة واحده ، وهو للاسف رد فعله مع الناس اللي بتقول لا ليه بيضايق اووي اووي ويقعدوا بقى ف جدال لكن اول م انا قولتله لا قالي ليه قولتله هو كده مش هقول يعني مش هقول قال لا هتقولي قولتله براحتك يا دكتور بس انا قلت اللي عندي ومش هقول راح بصلي كده وسكت وضحك ... وكمل المحاضرة عادي ..

انا طبعا بعد اليوم ده غبت 4 ايام بعدها بس مش زعلي السبب الرئيسي لكن انا فعلا تعبت ف نفس اليوم وجالي دور سخونه جامد وبسببه مش رحت الكلية .. وتاني بقى كان علينا نفس الدكتور وسال عليا اول مدخل المحاضرة هيا رحاب غايبة علشان لسه زعلانة طبعا البنات هما اللي قالولي الكلام ده وسمر بقى كانت حاضرة المحاضرة دي وراح هزقها بقى وهيا بكل بروود بتضحك قالها هو ده الفرق بينك وبين رحاب انك مش بتحسي الله يسامحك يا شيخة خالتيني زعلتها من غير ماقصد هههههههههههه

المهم بعد كل ده انا حضرت بعد الموقف ده محاضرة وشرحت فيها من غير م هو يقولي اطلعي اشرحي انا من نفسي طلعت وف نفس الوقت مش بكلمه ولا بسلم عليه كاني اول مرة اعرفه وسبحان الله كان قاعد مزهووول جدااااا من الشرح والمعلومات اللي كنت محضراها وقتها لدرجة ان الطلبة قالولي انت جايباها منين دي احنا بقالنا اسبوع مش عارفين نجيب كلمتين ع بعض راح هو قالهم ع فكرة اللي هيا قالته ده هو اللي مقرر عليكم .. ساعتها مكنش الكتاب لسه نزل فكونا بنحضر من المراجع اللي ف المكتبات والانترنت وكده يعني ..

جه بعدها تاني يوم وهو كان علينا الساعة 8 بعد م شرحت بقى قدام الدفعة كلها راح قال احب اقلكم ان سمر دي مش بتفهم ولا حاجة وهيا كانت موجوده وقاعده بتضحك عااادي عندها ههههههه ، وقالي انا كنت جاي علشان قاصد ازعل سمر واهزئها بس معلش هيا جات فيكي واحب اقول لكم ان اكتر واحده ملتزمة ومجتهده فيكم هيا زملتكم رحاب واكتر محاضرة استمتعت بالشرح فيها من يوم دخلت الفيوم دي هيا كانت محاضرة امبارح .. بس يا جماعة ودي نهاية الموجز هههههههه

:rose: وف نهاية السنة الدكتور راح جاب هدايا
من غير محد يعرف لأفضل 5 طلبة في الدفعة من حيث الالتزام بمواعيد المحاضرات والمجهود بتاعهم ف التحضير والشغل طول السنة وجه ف واخر محاضرة وقال انتو اشتغلتوا السنة دي حلو اوي وف ناس لازم تتكافء ع مجهودها طول السنة وف حد هنديله لقب الطالب او الطالبة المثالية للدفعة وتذكار من الدكتور ليه والحمد لله كان من نصيبي انا وطالبة تانية ف وكل م شوف الهدية وكلمة الدكتور ف الكارت الصغير بفرح جدا وطبعا بفتكر الموقف ده ع طووول ومن ساتعها والدكتور ده انا وهو بقينا سمنة ع عسل زي م المصريين بيقولوا وبقى من افضل الدكاترة عندي هو كان بس الموقف ده قوى العلاقة اكتر من الاول بكتيييييير .. :rose:

.. معلش طولت عليكو اووووي اووي بس بصراحة اليوم ده مش بنساه ابداا ابدااا وعزيز جدا عليا ..

رد: يوم في حياة عضو

بواسطة المشتاقة للجنة » الاثنين إبريل 30, 2012 10:23 pm

فى انتظار الصديقة

رد: يوم في حياة عضو

بواسطة حفيدة الرسول » الاثنين إبريل 30, 2012 1:06 am

يااااااااارب
شكرا يا عمرو ربنا يكرمك ..وعقبالك ان شاء الله

هختار بعدى





صحبتي

صدقتى الصدوقة

رد: يوم في حياة عضو

بواسطة عمرو المصرى » الأحد إبريل 29, 2012 1:23 am

بجد اليوم البسيط بينتهى باحلى حاجه وانتوا ربنا بيحبكم وربنا يجعل ايامكم كلها خير ف خير وسعاده

رد: يوم في حياة عضو

بواسطة الصديقة » السبت إبريل 28, 2012 11:55 pm

وقلق غريب مش حسيته قبل كده
كنتى قلقانة ليه يا صديقتي الصدوقة
انا عن نفسي مش كنت قلقانة ههههه

[/quote]

ويخليكي ليا يااااااااااارب ... ههههههههههه معرفش بصراااحة كنت قلقانه ليه بس هو جه كده بقى اعمل اييييه انا .. طبعاااا هو انت كان باين عليك قلق ولا بتاع ولا كان اليوم يومك كإن يوم عيد ميلاد مثلا .. كان ناقص اقولك ولا تتعبي نفسك وتيجي ههههههههه

رد: يوم في حياة عضو

بواسطة حفيدة الرسول » السبت إبريل 28, 2012 11:25 pm

المشتاقة للجنة كتب:ربنا يباركلك يارب
ياااااارب عقبالك يا مشتاقة يارب ان شاء الله بس مش تنسى تعزمينا





الصديقة كتب:فعلا اليوم ده عمري م هنساه ابداااااا كان جااااامد جداااا جدااااااااا .. لان احساس الواحد ف اليوم ده كان مختلف تماما عن اي يوم بحضر فيه خطوبات وافراح صحبات ليا كتير لكن بجد والله كنت فرحانه بشكل غير عادي وقلق غريب مش حسيته قبل كده بس ده فعلا احساس صادق لان حفيدة بالنسبة ليا مش صديقة صدقة واخت بس دي اكتر من كده بكتييييييير وهيا عارفه كده وربنا اعلم هيا بتعني ليا ايه ويارب عن قريب اشوفك ف فيوم فرحك يارب وتكون اسعد الناس .. :rose:

كنت يا صديقتي الصدووقة انت وقلب زي القمر ربنا يحفظكو ويحميكوا يااااااااارب وافرح بيكو عن قريب ان شاء الله ويباركلكم ف حياتكم الجاية ويكتبلوك الخير ويبعد عنكم كل شر آميييييين يااااااااااااااااارب العالمين ..
وقلق غريب مش حسيته قبل كده
كنتى قلقانة ليه يا صديقتي الصدوقة
انا عن نفسي مش كنت قلقانة ههههه

ربنا يخليكي ليا يارب ونفضل مع بعض اصحاب كده طول العمر
واشوفك انتى كمان ف يوم فرحك
يااااااااااااااارب

أعلى